ВМРО – ДПМНЕ со народни стражи ќе го „чува“ изборниот процес

ВМРО­ДПМНЕ ќе организира народни стражи за чување на изборниот процес, најави Спиро Ристовски, на денешната прес конференција.

-Во отсуство на реакција од страна на државните институции ние како партија ќе се саморганизираме со народни стражи ­ гарант на демократијата и граѓанската волја. Тимови од ВМРО­-ДПМНЕ се на терен и сите нарушувања и прекршувања на изборниот процес ќе ги документираат, рече Ристовски.

Според Ристовски, државните органи не реагираат, иако има сериозни нарушувања на изборните правила: поткупувања, злоупотреба на државни институции, мешање на државните ресурси за партиски цели на повеќе места во земјата, што укажува на системски пристап, а не се изолирани случај.