Рускиот претседател Владимир Путин не се занимава со прашањето за поранешниот соработник на НСА, Едвард Сноуден, бидејќи „Сноуден не поднел никакво барање, кое треба да го разгледа шефот на државата“, изјави денеска портпаролот на Кремљ, Дмитриј Песков.
Песков додаде дека претседателот Путин не учествува во разгледувањето на овој проблем со американските колеги, доколку ова прашање го решаваат раководителите на руската ФСБ и американското ФБИ.
Тој потврди дека Русија нема да им го предаде Сноуден на САД, кои го бараат под обвинение за шпионажа.
Триесетгодишниот Американец се уште се наоѓа во транзитната зона на московскиот аеродром „Шереметјево“, каде пристигна на 23 јуни од Хонг Конг.