Вознемирувачко видео на кое припадниците на бунтовничката група „Ал Нурса“ брутално убиваат сириски Курди се појави на интернет.
Врз убиените најпрво е фрлена запалива течност а потоа се запалени, јавува Ал Алам.
Во извештаите се тврди дека војниците на „Ал Нусра“ го нападнале подрачјето на Тел Абјад во северна Сирија, при што убиле вкупно 450 цивили, главно жени, деца и старци. Борбата помеѓу војската и вооружените сили, кои имаат поддршка од „Ал Каеда“, се засили во последната недела откако курдските борци, кои се борат против странските влијанија во Сирија, успеаа го протераат непријателот од неколку стратегиски места.
Одборот за заштита на Курдите ги повика сите што се здрави и можат да носат оружје да се придружат на трупите во борбата.
Според податоците на Обединетите нации, убиени се повеќе од 100 илјади луѓе, додека повеќе од 7,8 милиони избегале пред насилството да ескалира.