Голем пожар избувна на меѓународниот аеродром „Џомо Кенијата“ во главниот град на Кенија, Неибори, поради што се пренасочени сите летови.
„Темно црн чад што креваше кон небото беше видлив низ поголемиот дел на Најроби додека пожарникарите се бореа со пожарот. Затечените патници стоеја на тротоарите надвор од аеродромот со нивниот багаж в рака“, објавува Индепендент.
Пожарот избувнал во имиграцискиот сектор во одделот за полетување и потоа го зафатил одделот за меѓународни слетувања.
Според кениските власти во моментов на аеродромот е отворен само за вонредни слетувања, а не се знае кога повторно ќе профункционира.
Пожарот избувна на 15-та годишнина од бомбашкиот напад врз американската амбасада во Најроби и Дар ел Салам во соседна Танзанија, но засега нема знаци дека станува збор за терористички напад.