Published: Wednesday, December 20, 2017 21:33
Американскиот претседател Доналд Трамп се закани денеска дека ќе ја прекине финансиската помош за земјите, кои даваат поддршка во ОН за предлог-резолуцијата против неговата одлука да го признае Ерусалим за главен град на Израел.
– Тие добиваат стотици милиони, дури и милијарди долари, а ќе гласаат против нас. Ние ги следиме тие гласања. Нека гласаат против нас и ќе запреме многу пари. Не сме заинтересирани, истакна Трамп на прес-конференција.
Генералното собрание на ОН за утре свика итна седница по барање на арапски и муслимански земји во врска со спорната одлука на САД.




