ВИДЕО: The John (8.08.2013), МКЦ, одбележување на 50 год. на скопскиот земјотрес
Настаните кои се одвиваа синоќа (10.09.) на фестивалот за современа уметност АКТО беа- “Критика на политиката на сопственоста и граѓанството” со Бранимир Стојановиќ од Учител Незнајко и неговите Комитети, Белград; Проекција на дел од филмот „Фаренхајт 451“ и кратка дискусија, организирано од страна на Дебатно Кино Контра Кадар, Битола; Концерт на македонските алтернативни бендови The John I XAXAXA; настап на DJ’s: Чваре, Мачки, Томи Бојаџи и К. Петровски.
Филип Јовановски, уметнички директор на АКТО, за НОВА го доловува целиот настан:
-Интересно е дека беше настанот во филмски град, цел град направен од кулиси- беше конципиран во еден школски час составен од 5 лекции кој траеше 12 часа.
Започнавме од градење на библиотеката во јавен простор, како еден тип на форум во кој на наша покана граѓани ја “градеа” библитеката со литература која што мислат дека за нив лично е важно да се прочита во овој исторски, политички и културен контекст.
Подоцна, 3 лекции префрливме во приватни дворови на граѓани од Битола, чија лична историја е важна за културниот живот на градот.
Со тоа успеавме на повеке начини и нивоа да отвориме еден нов дискурс и да го рефлектираме и преиспитаме нашето секојдневно делување и како граѓани и како уметници и како активисти.
Бидејки на настаните беа присутни голем број на активни учесници во културниот и активeн живот пред се од независната сцена вклучени во голем број на акции и и проекти во последните неколку години.
Се обидовме да издискутираме дали и како да се делува и што денес значи да се биде активист во еден современ неолиберален систем? И како и дали воопшто треба да се делува?
Таа група која што беше дел од тие интелектуални, градски прошетки на свој начин го доживеа градот и меморијата за него, не како традиција која што е затворена во неоромантичарски фасади/кулиси од почетокот на 20. век, туку како негово активно промислување и тоа во форма на еден школски час во времетраење од 12 часа”, вели Јовановски.
На првиот настан од вечерта, “Критика на политиката на сопственоста и граѓанството” со Бранимир Стојановиќ од Учител Незнајко и неговите Комитети, Белград, учесниците читаа сегменти од делото „Феноменологија на политичко-идеолошкото функционирање на средната класа во Југославија“ од Милан Кангрга.
На вториот настан оваа вечер, посетителите на фестивалот гледаа краток дел од култниот филм “Фаренхајт 451”. По проекцијата на филмот, посетителите да дебатираа- презентирајќи ги своите ставови за краткиот сегмент од “Фаренхајт 451”.
ВИДЕО: Фаренхајт 451
На третиот настан уживањето беше целосно, со музиката на македонските алтернативни бендови The John и ХАХАХА, како и во музиката на познатите македонски диџеи Чваре, Мачки, Томи Бојаџи и К. Петровски.
ВИДЕО: ХАХАХА- Live, Канал 103
