„Кремљската листа“ објавена денеска од американското Министерството за финансии е контрамерка поради интервенцијата на Русија во демократските изборни процедури на САД во текот на кампањата за претседателските избори во 2016, и таа претставува „листа на недоверба“ кон руската политичка и бизнис елита.
Изненадување на листата е името на Сергеј Лавров, шеф на руската дипломатија.
Според познавачите, листата е опширен круг на поединци кои го сочинуваат рускиот политички режим и кои носат одговорност за она што го прави Русија.
– На таков начин САД покажуваат дека американскиот Конгрес не прави разлика меѓу разните кули на Кремљ, изјави рускиот аналитичар Константин Егерт.
Според него, намерата на САД е поединците кои се ставени на листата да се чувствуваат максимално некомфорно и во подвисната состојба.
– Листата создава елемент на конфликт меѓу руската елита, посебно меѓу оние кои се и кои не се ставени во неа. Ова е листа на луѓе која укажува дали треба да се им доверба во некој од руската елита, дали треба да се води бизнис со тој човек, истакна рускиот аналитичар.
Егерт смета дека Лавров е дипломат и практика за вакви листи е во нив да не се ставаат дипломати, бидејќи тие работат на градење на односите меѓу земјите.
– Појавувањето на Лавров на листата претставува силен шамар за Кремљ, смета тој.
На листата, составена од 114 имиња на руски политичари од власта и 96 олигарси кои своето богатство го стекнале заради блискост со Кремљ, претходеше законски акт потпишан од претседателот Доналд Трамп на 2 август 2017 со указот „За противмерки на непријателите на САД со помош на санкции“.
Американските разузнавачи потврдија дека Русија користела хакерски напади врз институциите на Демократската партија за да обелодени сензитивни информации за Хилари Клинтон, противкандидат на Трамп на изборите во ноември 2016. Додека руски специјални служби со помош на лажни профили и групи на социјалните мрежи влијаеле врз јавното мислење во САД во полза на еден претседателски кандидат.




