Цртежи, рачно изработени мали знаменца и чанти и други предмети кои повеќе не им требаат беа дел од импровизираната тезга на група дечиња од Капиштец. Минувачите љупобитно застануваа и ги прашуваа што прават.
„Спасуваме маче. Ни требаат пари за лекови. Овие што ги имаме веќе ни се потрошија“, велат девојчињата.
Малото маче го пронашле во близината во некоја од грмушките.
“Ни личеше како тукушто родено, раскажуваат. Не можеше да гледа, погледнете и сами очињата се уше му се затворени и многу е слабо и мало“, зборуваат додека мачето грижливо лежи во рачињата на едно од децата.
На рацете има медицински ракавици, затоа што, вели „се плаши да не го разболе дополнително“.
За храната и лековите кои ги купиле го потрошиле цел џепарлак, па затоа се решиле да пробаат на овој начин да заработат за помош на малото маче.
„Имаме крема, ама ни и е при крај. Ни треба и храна“, велат.
Минувачите речиси и да не ги одминуваат. Секој остава по нешто. НОВА реши да се приклучи во акцијата и го однесе мачето на ветеринат.
Од ветеринарот Диме стигнаа добри вести – мачето било само слабо и неухранот, а инфекцијата на очите безопасна која што со редовно ставање крем ќе поминела за неколку дена.
Го донесовме мачето назад кај дечињата кои со нетрпение не очекуваа. Во моментов малото маче го згрижија активистите на права на животните. Доколку семејсвата на децата не дозволат да се вдоми кај некое од нив, НОВА ќе помогне во акцијата за пронаѓање на негов дом.