„Челичниот“ Мајк Тајсон, кој со само 20 години стана најмладиот неоспорен шампион во супертешка категорија носејќи ги трите ВБЦ, ВБА и ИБФ титули призна дека со години се лажел дека нема проблеми со другата и алкохолот и најави итно менување на своите навики поради стравувањата за својот живот.
„Јас понекогаш сум лоша личност. Правев многу лоши работи и сакам да ми биде простено. Сакам да го сменам начинот на живот. Сакам да живеам здраво. Не сакам да умрам. Живеам на работ на смртта затоа што сум тежок алкохоличар“, изјави Тајсон на прес-конференцијата во Верона.
Откога сфатил што кажал, Тајсон пред новинарите изјавил дека шест дена не консумира ниту дрога ниту алкохол и самиот се зачудил што издржал но вети дека волјата е на негова страна.
„Ги лажев сите дека не пијам и не се дрогирам. Ова е мој шести ден да не консумирам опијати. Никогаш повеќе нема да ги користам. Мислев дека нема да ме има на планетата долго. Секоја вечер се предозирав, па не ми се веруваше дека повторно се будам. Морам да го сменам својот начин на живот“, додаде Тајсон.
.jpg)
Проблематичниот Мајк е роден во Њујорк и како дете бил во друштво на улични банди, а до својата 12-та година, повеќе пати имал проблеми со законот. На 12-годишна возраст е фатен во воорежен грабеж и е испратен во поправен дом во близина на Њујорк.
Неговите боксерски квалитети ги забележал професорот по физичко воспитување го и го претставил Тајсон на тогаш легендарниот тренер Кус Дамат.
Тајсон во 1884. година станал професионален боксер, а во 1986. година станува најмладиот шампион во историјата на супертешка категорија.
Од неговите вкупно 58 меча, Тајсон брои 50 победи, од кои импресивни 44 со нокаут.