Published: Wednesday, March 21, 2018 09:39
Словенија од вчера официјално е без Влада откако Парламентот ја прифати оставката на сега екс премиерот Миро Церар што ја поднесе неочекувано минатата недела.
Со тоа мандатот на владата што тој ја предводеше е завршен.
Церар поднесе оставка откако Врховниот суд го поништи референдумот за прокетот за изградба на пруга, што Владата го поддржа.
Церар изјави дека ваквата одлука не е во интерес на напредокот на Словенија.
Редовните парламентарни избори треба да се одржат во јуни, но сега се очекува тие да бидат неколку недели порано.




