Осумте филма во фокусот на филмскиот фестивал во Венеција

0
By on КУЛТУРА


Гравитација

Филмот кој ќе се прикажува на отворањето на фестивалот, на мексиканскиот режисер Алфонсо Куарон – Гравитација. Во главните улоги настапуваат Џорџ Клуни и Сандра Булок како астронаути заглавени во вселената без радио контакт и надеж за спас. Лебдејќи во бестежинското страшно пространство на галаксијата, двајцата мора да работат заедно за да преживеат.

Лагата на Армстронг

Алекс Гибни има свој начин на прикажување на јавни личности кои „паднале“ ниско поради лаги и измами: неговиот „Клиентот 9: Успехот и падот на Елиот Шпицер“ беше номиниран за Оскар за најдобар документарен флм во 2011 година. Во „Лагата на Армстронг“ се зборува за успесите и падот на велосипедистот Ленс Армстронг и допинг скандалот.

Убиј ги своите најмили

Филмот прикажува истрага на криминално дело кое има влијани врз Ален Гинсберг, Џек Керуак и Вилијам Бароус за време на студирањето на Колумбија Универзитетот. Главните улоги им припаѓаат на Даниел Редклиф, Елизабет Олсен, Мајкл Хол и Џенифер Џејсон Леј.

Непознатото познато

Венеција ќе биде домаќин на светската премиера на 105-те минути документарен филм за поранешниот американски секретар за одбрана Доналд Рамсфелд, „Непознатото познато“.

Нулта теорема

Во овој филм на Тери Гилиам работи една извонредна екипа актери. Мет Дејмон, Криштоф Волц, Тилда Свинтон и Бен Вишо. Филм кој засега буди одлични критики.

Мобиус

Под режисерска плака на Ерик Рохант и продукција на Лук Бесон, дејствието во филмот се одвива во Монако во светот на богатите. Главните улоги ги толкуваат Жан Дужардин, Сесил де Франс, Тим Рот. Дужардин е во улога на искусен шпион кој следи руски олигарх кој се сомничи за перење пари, додека де Франс игра во улогата на трговец кој работи во руска банка.

Том на Фармата

Филмот за 24-годишниот Ксавиер Долан носи поделени мислења. Некои ги гледаат како раскошен и убаво стилизиран, а други, претенциозен и лесен…

Под кожата

Напишан и режиран од страна на Џонатан Глејзер (Секси ѕверот, Раѓање), Под кожата се базира на првиот роман од Мајкл Фабер. Дејствието е поставено во северниот дел на Шкотска а главниот лик е Исерли, вонземјанин испратен на земјата да собере автостопери и да ги претвори во месо за своите ортаци. Скарлет Јохансон ја користи својата сексуалност, да ги улови нејзините пленови.

извор: Би Би Си

Share.