Илјадници граѓани на Израел излегоа на улица да ја прослават победата на нивната пејачка Нета која со песната „Toy“ („Играчка“) триумфираше на овогодинешниот избор за Песна на Евровизја што синоќа се одржа во главниот град на Португалија, Лисабон.
Таа од жирито и публиката освои 529 поени, и зад себе ги остави Кипар и Австрија кои ги освоија второто и трето место.
Финалето на Евровизија помина со еден контроверзен момент што се случи во текот на настапот на Велика Британија, кога еден маж упадна на сцена и ѝ го зема микрофонот на претставничката на оваа земја, Сури.
https://www.youtube.com/watch?v=rdNvNt0posE
Како што најави на крајот Нета, следната година изборот за Песна на Евровизија ќе се одржи во израелскиот град Ерусалим.
Македонија настапи во првата полуфинална вечер но не се пласираше во финалето.
Според листата на гласање објавена на официјалниот веб портал на Евровизија, Македонија освои 24 поени и го зазеде претпоследното 18 место. Последна се пласира Исланд со освоени 15 поени.