Со проекцијата на филмот „Амазониа“ и доделувањата на наградите Златен лав за најдобар филм, Сребрен лав за режија, како и Специјалната награда за најдобар актер и актерка, наградата Марчело Мастројани за најдобар млад актер, награда за најдобро сценарио и награда за технички придонес за филм, вечерва заврши 70-от филмски фестивал во Венеција.
Жирито предводено од италијанскиот режисер Бернардо Бертолучи, нагарадата „Златен лав“ му ја додели на Џанфранко Роси за „Сакро ГРА“, додека „Сребрен лав“ за Александрос Авранас за филмот „Госпоѓицата Насилство“.
Најдобар актер наградата му припадна на Темис Пано кој ја игра главната улога во филмот на Авранас. За најдобра актерка на Филмскиот фестивал во Венеција, е прогласена Елена Кота за улогата во филмот „Виа Кастелана Бандира“ на Ема Данте.
За најдобро сценарио е прогласено сценариото на Стив Куган и Џеф Поуп за „Филомена“ на режисерот Стивен Фрирс. Специјалната награда му припадна на Филип Гренинг.
Годинава во игра за „Златен филм“ беа дваесет филма.
Покрај ѕвездите Џорџ Клуни и Сандра Булок, гости на фестивалот беа и реномираните Николас Кејџ, Скарлет Јохансон, Мет Дејмон, Жак Ефрон, како и јужнокорејскиот режисер Ким Ки-Дук, чиј филм со наслов „Пиета“ ја освои главната награда на фестивалот.
За првпат за наградата „Златен лав“ конкурираа и документарни филмови.