Денешното рочиште за насилствата во општина Центар е одложено за 6 јуни, бидејќи еден од обвинетите, Александар Трајковски заминал на службен пат во Хрварска.
Судијата Душко Јосифов соопшти дека обвинетиот кој е советник во општина Гази Баба доставил оправдување дека градоначалникот го испратил на службен пат.
Обвинителката Фатиме Фетаи побара од судот да се обрати до градоначалникот и да го праша дали присуството на советникот во Хрватска било неопходно и дали тој знаел дека советникот треба да присуствува на закажано судско рочиште.
Откако судијата само констатираше дека денешното рочиште се одлага, а наредното е закажано за 6 јуни, обвинителката Фетаи побара од судот почесто да се закажуваат рочиштата, бидејќи ова е најстариот предмет на СЈО, а сепак заостанува зад другите.
Претходното рочиште од овој процес се одржа на 19 април. На денешното рочиште, требаше да се сослушуваат сведоците на Специјалното јавно обвинителство.
За насилството пред објектот на Општина Центар што се случи во 2013 година првообвинет е екс премиерот Никола Груевски. Освен него, обвинети се и ексминистерот за транспорт и врски Миле Јанакиески, пратеничката Даниела Рангелова и уште девет лица. Тие пред судот се изјаснија дека не се чувствуваат виновни. Вина признаа четвртообвинетиот Томислав Лазаров и петтообвинетиот Јордан Ристевски и добија условни казни.
Обвинетите во предметот се товарат за поттикнување насилството пред општина Центар во јуни 2013 година.
Обвинетите Груевски, Јанакиески, Рангелова и уште девет лица пред Судот се изјаснија дека не се чувствуваат виновни.
Претходно, вина признаа четвртообвинетиот Томислав Лазаров и петообвинетиот Јордан Ристевски и добија условни казни.