Македонија е обвинетa дека се обидувала да го намести гласањето на Евровизија со помош на другите земји за да обезбеди високо место, пишува британскиот весник Дејли мејл.
Лозано и Есма Реџепова ја претставуваа Македонија во Малме, Шведска, но воопшто не влегоа во финалето.
Тврдењата биле направени од страна на анонимен службеник, вклучен во овогодинешниот натпревар, што се одржа во Малме, Шведска.
Второрангираниот Азербејџан – која доби максимум 12 поени од страна на Малта – е обвинет не само за обид за поткуп на членовите на жирито, но исто и за плаќање на литвански студенти да гласаат повеќе пати за нив.
Инсајдерот бил контактиран од страна на неколку делегации, подготвени да организираат шеми на местење на гласањето, што му било изјавено на шведскиот весник Skanska Dagbladet.
Еден од главните организатори, од делегација кој бара анонимност, тврди дека тимот на Азербејџан понудил ‘доволно пари да се живее една година, во замена за високи поени.
Изворот додава: “Знам од најмалку три други земји, дека го прават овој вид на договор зад сцената, дури и ако тие не се во контакт со мене лично”.
Како што пишува Дејли мејл, организаторите водат истрага токму за овие обвинувања.
Со години, во Британија има жалби за Евровизискиот натпревар дека е наместен, но ваквите обвинувања досега беа отфлрени.