Координаторот на една од пратеничките групи на ВМРО ДПМНЕ Драган Данев на прес конференцијата во Собранието рече дека Владата на Република Македонија и парламентарното мнозинство, прекршувајќи ги Уставот, Деловникот, законите и процедурите сакаат да протуркаат антидржавен и антиуставен договор кој е во спротивност со интересите на граѓаните на оваа земја.
Тој рече дека Владата сака „на мала врата, без дебата да го протне Договорот преку кршење на Деловникот и процедурите токму овде во Собранието“.
-Ова е трет пат, трет случај на грубо непочитување на процедурите. Прво со изборот на Талат Џафери за „таканаречен“ претседател на Собранието, потоа со законот за двојазичност и сега со договорот со Грција, рече Данев.
На прес конференцијата која се одржа додека на пленарна седница се расправа за ратификација на Договорот со Грција, Данев зборуаше и за процедурата како Предлог законот минал низ комисиска расправа.
-Ратификацијата на меѓународни договори никогаш досега не се разгледувале во Комисијата за европски прашања, туку во Комисијата за надворешна работа. Приемер за тоа е договорот со Бугарија кој што се разгледуваше во Комисијата на надоврешни работи. Зошто тој договор е поразличен од овој договор?, праша Данев и ги посочи членовите од Деловникот, кои според неговата партија биле прекршени во врска со Договорот.
Тој обвини дека Владата не сака да ги слушне критиките од јавноста. Тој најави дека ВМРО ДПМНЕ ќе побара и толкување од Венецијанската комисија за утврдување на правната природа на истиот договор.