Присуството на рускиот претседател Владимир Путин на свадбата на австриската министерка за надворешни работи Карин Кнејсл (член на партијата ФПО, екстремна десница) предизвика полемика на политиката сцена во Австрија, земја позната по својата политичка неутралност, јавува агенцијата АФП.
Путин беше дел од стотината гости на церемонијата во едно австриско село блиску до Грац. Русинот дојде во придружба на група руски пеачи кои пееја за гостите.
По свдбата Путин замина вечерва во Германија средба со германската канцеларка Ангела Меркел во Берлин. Се очекува на средбата Путин и Меркел да зборуваат за ситуациите во Сирија и Источна Украина, билатералната соработка, како и енергетските прашања.
Австрискиот канцелар Себастиан Курц го испрати Путин до аеродромот.
Австриската опозоција остро го критикуваше присиуството на Путин на оваа свадба тврдејќи дека тоа и носи штета на улогата на Австрија која во моментов претседава со ЕУ.
– Како австриското претседателство со ЕУ може да игра чесна посредничка улога (помеѓу 28 земји членки и Москва) ако министерката и канцеларот јасно се ставаат на една страна?, се запраша Андреас Шиедер, висок функционер на социјал-демократите.
Партијата на екологисти побара оставка од министерката и подвлече дека «Путин е еден од најгресивните противници на ЕУ во областа на надворешната политика».
Лидерот на ФПО ги отрфли овие критики и цената на чинење на оваа посета за што опозицијата исто така имаше забелешки:
– Секој протест на левицата и зелените, со можни нереди и сообраќајни гужви, полициското присуство чини многу повеќе од посетата на рускиот претседател во чест на нашата министерка и нашата земја, напиша тој на Фејсбук.
Познато е дека Путин е често обвинет дека се обидува да направи раздор помеѓу земјите членки на ЕУ и особено дека одржува тесни врски со популистичките партии во ЕУ како Унгарија.




