Пратеничката група на ВМРО ДПМНЕ најверојатно оваа недела ќе достави информација – известување до претседателот на Собранието дека ќе функционира со една пратеничка група, откако дел од пратениците ја напуштија коалицијата на опозицијата, а други осум беа исклучени.
Досегашниот координатор на пратеничката група Драган Данев пред малку на прес конференција рече дека „тој најверојатно нема да биде повеќе координатор на пратечката група.
Според информации на НОВАТВ Данев сам побарал да се повлече од функцијата.
Данев беше координатор на пратеничката група на ВМРО ДПМНЕ веднаш по изборите. Тој заедно со уште двајца пратеници, Даниела Рангелова и Крсто Јовановски гласаше на референдумот, иако партијата спроведуваше тивок бојкот.
Во однос на прашањето да го коментира писмото на Сашо Мијaлков, Данев кусо рече дека „семејството Мијалкови имаат голем придонес во осамостојувањето на Македонија и во формирањето и развојот на ВМРО ДПМНЕ“, но напомена дека сите несогласувања треба да се решаваат во партиските тела, а не на прес конференции.