Македонскиот филм „Кучиња на војната“ победи на интернационалниот натпревар за краток филм “FilmConvert Competition”.
Филмот е на првото место од сите категории, со наградата “People’s Choice”. Натпреварот беше отворен за цел свет, а учествуваа повеќе од 700 филмови.
Филмот е напишан и режиран од Пеце Здравковски и Бојан Соклевски, а директор и главен камерман е Ѓорги Вацев.
Улогите ги играат Алек Ѓорѓиески, Димитар Даневски, Елизабета Јованоска.
Филмската екипа ја сочинуваат Игор Георгиоски, Ристо Алчинов, Христо Стојаноски, Кети Талевска, Христина Тренчевска, Филип Каранфиловски, Христијан и Ангела Српчански и Симона Јосифовска.
Филмот е снимен во Битола.