Аферата со лажирање на податоците за емисиите на штетни гасови од дизел возилата, во текот на 2019 година ќе го чини германскиот автомобилски гигант „Фолксваген“ дополнителни две милијарди евра, објави неделникот „Борзен цајтунг“.
Главниот финансиски директор на компанијата, Франк Витер вели дека тие две милијарди евра ќе се надоврзат на штетите од 5,5 милијарди евра што поради компанијата ги претрпе во текот на 2018 година.
Од 2015 година, па досега, „Фолксваген“, поради аферата, платил над 27 милијарди евра. Во оваа сума се вклучени вонсудски спогодби со инвеститори и потрошувачи, казните што беа изречени од регулаторните органи за лажирање на податоците, како и трошоците за отстранување на проблемите што продонесоа за високо ниво на емисии на штетни гасови од дизел возилата на германскиот автогигант.