Текст на Еврокомесарот, Филе по повод Извештајот за напредокот на Македонија, објавен на 16 октомври 2013 година. Неговото обраќање кон Македонија, НОВА ви го пренесува во целост:
„Надоместок за изгубеното време“
„Политички, ова не беше лесна година за вашата земја. Настаните во Парламентот на 24 декември и понатамошниот политички бојкот фрлија сенка врз напредокот на земјата во својот пат кон европската интеграција. Многу напор и енергија беа потрошени за решавање на оваа ситуација. Драгоцено време беше изгубено, време што инаку би можело да се искористи за подобро спроведување на реформите, и немаше надворешни фактори кои би се обвинувале: сето ова се случи како резултат на домашната политичка конфронтација.
Политичките лидери од сите страни, треба да се однесуваат одговорно, ставајќи ги интересите на земјата пред краткорочните партиски цели. Компромисот во врска со извештајот на Анкетната комисија за настаните од 24 декември, покажа како може да се најде решение, со политичка волја, преку дијалог и компромис. Ова е патот за напред и мора да стане политичка норма. Тоа е она што граѓаните го заслужуваат и она што ЕУ го очекува.
Предизвикот сега е да се гради врз претходните реформи, и ефективно спроведување на веќе постојните правни и политички рамки. Ако тие цврсто се спроведат, реформите ќе се почувствуваат од корен а тоа ќе донесе вистинска промена во секојдневниот живот на граѓаните.
Европската перспектива секако ги појача реформите, и Европската комисија ќе продолжи да се залага за нивна ефективна имплементација. Напоменуваме дека е направен напредок во расчистувањето на судските застои, но потребна е поголема работа за обезбедување независност на судството во пракса. Дека постои историјат за анти-корупција, но треба да биде подопирлив. Дека оценката за изборите минатата пролет беше дека тие беа професионално и ефикасно спроведени, но дека понатамошни реформи за изборното законодавство, избирачките списоци и потребна е поделба на партиите од државата.
Дека клеветата беше декриминализирана но мора да се обезбеди почит кон слободата на изразување. Односите со новинарите страдаат и итно треба да се обноват, и извонредни реформи мора да се стават во преден план во врска со владините реклами, отстранување на притисокот врз новинарите, како и унапредување на професионалните стандарди. Дека Анкетната комисја произведе корисни препораки, но дека тие сега треба да се спроведат во пракса. Понатаму се одвиваше преглед на Охридскиот рамковен договор, но подеднакво е важно препораките да се имплементираат. Напредок е постигнат и за економските прашања, но сеуште се потребни суштински реформи за да се обезбеди долгорочен одржлив раст.
Постојан конструктивен дијалог и компромис во домашната политика ќе ви помогне да ги испорачате резултатите во сите овие области. Се надевам дека истиот дух, може да преовладува во преговорите предводени од ОН за прашањето за името.
По тежок период, земјата сега мора да се врати назад на вистинскиот пат. Европската комисија ќе продолжи да ви помага на тој пат“.
Штефан Филе
Комесар за проширување