Билјана Ивановска ќе биде новиот претседател на Државната комисија за спречување на корупцијата. Ивановска без дискусија ја доби поддршката и од сите членови на Комисијата за избори и именувања.
За Ивановска, членовите на Комисијата за селекција на кандидатите напишале дека „врз основа на дадените одговори се оцени дека кандидатот има големо искуство во борбата против корупцијата и има јасна визија за работата на Комисијата“.
Ивановска е овластен ревизор.
Во Државниот завод за ревизија е вработена во 2000 година, а од 2013 преминува во ревизорското тело за ревизија на инструментот за претпристапна помош.
Ивановска била вработена и во Министерството за финанисии како началник на Одделението за буџетско сметководство, а работела и како стручен соработник во повеќе собраниски комисии. Ивановска има 55 години и е мајка на три деца.
Иако, Ивановска нема освоени максимални 100 поени, сепак таа на листата на селектирани кандидати е прва која аплицирала и за претседател на Комисијата. Останатите што се на ранг листата пред неа поднеле пријави само за членови на Антикорупциска.
Новиот состав на Антикорупциската комисија кој беше предложен од Комисијата за селекција без дискусија беше прифатен и од членовите на собраниската комисија и се очекува да биде изгласн и од пратениците. Седницата за избор на антиукорупционерите е закажана за денеска.
Освен Билјана Ивановска за членови на Антикорупциска се предложени и Владимир Георгиев државен советник на секретаријатот на Антикорупциска, Софка Пејовска раководител на сектор за спречување на корупција во Антикорупциска, Катица Николовска – ревизорка, Мури Бајрами ревизор, Горан Трпеновски новинар и Салаи Шемши, вработен во општина Врапчиште.
За членови на Антикорупциска беа пријавени вкупно 56 кандидати. Новиот состав на Антикорупциска ќе треба серизоно да се зафати со решавање на корупциските скандали и да се обиде да го врати угледот на оваа комисија која изминатиов период не поднесе ниту една пријава за корупција против високи функционери. На листата на Транспаренси Интернешнл, Македонија беше рангирана на 93 место заедно со Косово, Панама и Молдавија.
Македонија на 93 место на Индексот за корупција заедно со Косово, Молдавија и Панама