Фанија Костадинова, мајката на портпаролот на СДСМ, Костадин Костадинов, ќе се повлече од работното место.
Таа беше вработена во Централен регистар во Струмица, а оставката доаѓа по најавата на премиерот Заев дека дел од роднините на функционерите ќе се повлечат од своите работни места.
– Иако мојата мајка е вработена на транспарентен начин, каде се испочитувани сите законски процедури, јас разговарав со нејзе и таа ќе се повлече од работното место – изјави Костадин Костадинов.
Тој додаде дека очекува овој принцип да го следат и останати функционери.
Името на Фанија Костадинова се најде на списокот на Антикорупциска на кои беа сите свежо вработени роднини на високи функционери во државните институции и претпријатија кои антикорупциска планира да ги истражува. Мајката на Костадинов беше вработена на позицијата референт во Централниот регистар во Струмица, со плата од околу 25 илјади денари.