Координаторот на пратеничката група на СДСМ и коалицијата Јован Митрески побара од претсеателот на Собранието Талат Џафери да објасни зошто ја прекина вчерашната седница за одземање на имунитетот на пратеникот Трајко Вељаноски и зошто како што рече „дозволи да настане неред на синоќешната седница“.
-Кворум постоеше. Мнозинството беше тука спремно за гласање. Граѓаните прашуваат, а Талат Џафери е должен да им објасни и на јавноста и на колегите пратеници – Зошто беше прекината седницата на која требаше да биде одземен имунитетот на обвинетиот за организација на 27 април, Трајко Вељаноски? Бараме принципиелност, Собранието е должно да постапува и да му овозможи на судот непречено да работи. За Трајко Вељаноски мора да важат истите процедури и правила како и за секој друг пратеник. Собранието мора да постапува како што секогаш постапувало за сите други пратеници кои биле обвинети и за кои се барало одлука за нивна одговорност. Поради ова, во Собранието денес нема услови да продолжат останатите активности, рече Митрески на прес конференцијата во Собранието.