ХРОНОЛОГИЈА ЗА СЛУЧАЈОТ ОРЕШЕ
Лазо Милошоевски , 75 години е убиен во 2005 година. Увидот на местот на убиството во селото Ореше според официјалните документи е правен 15 часа по настанот. По три години, приведени за убиството на Лазо се браќата Орде и Љупчо Ѓорѓиевски, по нарачка на Ѓоре Петровски. Осудени се на 12 години затвор.
Пресудата, поради недостиг на докази, паѓа два пати на Апелацискиот суд. Никогаш не е пронајдено оружјето со кое е извршено убиството. Првата пресуда е објавена во Декември 2009 година. Следната година во Ноември е објавена и втората пресуда. Оваа година на 29 Март се случува пресврт и се носи нова пресуда со која обвинетите се ослободуваат од вина. Два месеца по ослободувањето, сите актери во случајот Ореше, судии, обвинители, адвокати – се најдоа во притвор. Се отвори новиот случај Ликвидација.
(за хронологијата на настаните од случајот Ореше напишани погоре користени се архивските видео материјали од судењата и судските записници на истиот случај објавени во емисијата КОД)
ЗАШТИТЕНИОТ СВЕДОК И ТЕКСТОВИТЕ НА КЕЖАРОВСКИ
Во Јануари 2013 година заштитениот сведок Златко Арсовски самиот се открива пред јавноста и го менува својот исказ. Тврди дека претходниот исказ, со кој браќата обвинетите завршија во затво,р го дал под присила и закани на инспектори на ДБК. Тврдеше дека самите инспектори му ја напишале самите изјавата, а тој ја учел напамет. Во моментот кога го дава исказот, Златко Аровски лежи во затвор за ситна кражба. Сведокот кон крајот на 2008 тврдел дека Ѓоре му се јавил и му нудел 20.000 долари за да го ликвидира Лазо Милошевски, но дека тој одбил. Сведокот рече дека решил да излезе од програмата за заштита на сведоци бидејќи не биле остварени ветувањата кон него од страна на полицијата која му ветила 10 години заштита.
Во своите текстови од Декември 2008 година (сториите одат во два последоватолни броја, првиот објавен на 4 Декември)Томислав Кежаровски во весникот Репортер92 обелоденува дека заштитениот сведок во случајот Ореше сведочи под присила на инспектори од ДБК и дека, всушност, станува збор за лажен заштитен сведок според неговите информации. Кежаровки објавува судски записници од сослушувањата на сведокот од страна на истражниот судија. Во текстовите Кежаровски го користи кодното име на свведокот „Бреза“.
На едно место во текстот напишано е „штипјанецот“ Златко, а на друго стои кратенка од неговиот мобилен телефон или буквално е напишано вака „076 6.. …“. Судот сметаше дека Кежаровски со изнесувањето на овој мобилен телефон, како и со пишувањето на името Златко (без презиме), новинарот овозможил разоткривање на неговиот идентитет. Одбрана на Кежаровски тврдеше дека тој мобилен го користеле десетици затвореници во тоа време во затворот каде се наоѓа сведокот.
Во времето кога е пишуван овој текст, сведокот има статус на загрозен, но не и на заштитен сведок. Според тврдењата на одбрана, за време на судењето судот не изнесе документ со кој потврдува кога на Златко Арсовски, односно Бреза му е даден статусот на заштитен сведок, но не негираше дека тоа се случило некаде во 2010 или 2 години по написот на Кежаровски. Адвокатот на обвиниетите браќа во случајот Ореше, Звонко Давидовиќ, тврдеше дека на сведокот му бил доделен статусот заштитен во 2010.