Американскиот филмски и телевизиски глумец Лук Пери, најпознат по улогата на Дилан во серијата „Беверли Хилс 90210“, почина откако доживеа тежок мозочен удар во својот дом во Лос Анџелес.
Неговиот публицист за медиумите соопшти дека актерот починал опкружен со неговите најблиски роднини и пријатели.
Славниот актер имаше 52 години.
Веднаш по завршувањето на средното образование, тој се преселил во Лос Анџелес за да ја гради актерската кариера.
Во 2013 година за едно радиско интервју тој изјавил дека присуствувал на 256 аудиции додека ја добил првата улога.
Улогата на Дилан во популарната серија „Беверли Хилс 90210“ му ја донесе светската слава.
Телевизиската мрежа Фокс неодамна официјално потврди дека ќе се снимаат нови епизоди од серијата „Беверли Хилс“.
https://www.youtube.com/watch?v=MSK5UsNz8QY