Антикорупциската комисија ќе го испитува имотот кои пет судии го пријавиле во анкетните листови. Се отвораат предмети за претседателот на Врховниот суд, Јово Вангеловски и поранешниот претседател на Кривичен, Владимир Панчевски и трите судијки Софија Лаличиќ, Светлана Костова и Александра Зафировска.
„По добиени сознанија од Извештајот за човекови права за 2018 година за Република Северна Македонија за злоупотреба и коруптивни дејства за судии Комисијата за спречување на корупција заклучи да изврши проверка на податоците од анкетните листови за слдните лица, Владимир Панчевски, Јово Вангеловски, Светлана Костова, Александра Зафировска и Софија Лаличиќ. По допрен глас ја испитуваме имотната состојба на Миле Јанакиески, Илија Исајловски и Кирил Божиновски”, рече членот на Државната комисија за спречување на корупцијата, Софка Пејовска, на денешната седница.
Антикорупционерите одлучија да ја проверат имотната состојба на овие судии откако тие беа наведени во Извештајот на Стејт департментот за состојбата со човековите права.
Во септември лани, Специјалното јавно обвинителство објави посебен Извештај кој го достави Собранието, а во кој ги наведе имињата на четворица судии кои во „својата работа постапувале несоодветно и спротивно на судските правила“. Тоа беа Вангеловски, Лаличиќ, Зафировска и Костова
По допрен глас ќе се испитува и судир на интереси за Јордан Тасевски и за Марија Димитровска внука и внук на судијата Владимир Панчевски од Кривичен суд, и за Маја Ристовска, сопруга на поранешниот министер Спиро Ристовски вработена во МАПАС.
По службена должност на денешната седница Антикорупциска усвои одлука за отворање предмети за листа на 18 лица кои извршуваат две или повеќе функции во исто време, а ќе се проверува и имотот на пратеници во Собранието, членови на Владата, членови на Владата во претходниот состав, директори и замнеици директори нас ЈП во државна сопственост и директори на АД во државна сопственост.