Антикорупциска отвора два предмети за лидерот на ВМРО ДПМНЕ Христијан Мицкоски. Комисијата ќе проверува како Мицкоски стигнал до државно земјиште од 33 илјади метри квадратни и како добил концесии за изградба на хидроцентрали. Предметите се отвораат по допрен глас, откако вчера портпаролот на СДСМ Костадин Костадинов на прес конференција побара од Антикорупциска да ја испита сопственоста на хидроцентралата во која како што рече свој удел имаат Христијан Мицкоски и членот на Извршниот комитет на ВМРО‐ДПМНЕ Димитар Димовски.
Мицкоски е еден од сопствениците на компанијата „Енерготек ДОО Скопје“, основана во мај 2014 година, за едно со Димитар Димовски, тогаш висок функционер во Министерството за транспорт. Оваа компанија заедно со компанијата „Минка ДА“, основа конзорциум „МИНКА – ЕНЕРГОТЕК ДОО“ Скопје кој од Владата добива концесии за користење вода за изградба на хидроцентрали на реката Брегалница и на Клепалска река. Нивната фирма „Енерготек ДОО Скопје“ од Владата добива 33.000 метри квадратни државно земјиште за изградба на хидроцентрала.
Во мометот на доделување на концесијата за хидроцентрали и на земјиштето Мицкоски е советник на тогашниот премиер Никола Груевски и директор ЕЛЕМ.
-Ова се големи индиции да провериме злоутреба на службената положба и овластувања и судир на интереси, рече Катица Николовска, членка на Антикорупциска.
За Антикорупциска е спорно и како Мицкоски во септември 2016 избран од надзорниот одбор на АД ЕЕЛЕМ продолжил да биде надворешен советник за енергтика на тогашниот премиер, кога владата ги предлага членовите на Надзорниот одбор на компанијата која го предложила за директор.