ЈУ Детски Kултурен Центар “Карпош” со поддршка од Град Скопје од 9 – 12 мај 2019 г. е организатор на Меѓународниот фестивал на класична гитара “Тремоло”.
Фестивалот е повеќе развиен во културен настан кој ги обединува љубителите на класичната гитара, студенти, наставници, не само во Скопје и Р.С Македонија, туку и пошироко. Со текот на годините фестивалот прерасна во престижен настан кој сведочи за присуството и појавата на сé поголем број светски познати уметници специјализирани за класична гитара, а тоа се одразува на прогресивноста на настанот кој секоја година се надминува.
Со успешна реализација на Фестивалот “Тремоло” Детскиот Културен Центар “Карпош” дава голем стимул и поддршка за развој и промоција на овој вид на уметност во земјата.
Оваа година се навршуваат 10 години јубилеј од постоење на овој престижен фестивал, со надеж дека ќе го достигнеме нивото по примерот на светските фестивали.
Ќе се одржат три концерти: На 9 мај од 20,00 часот Свечено отворање-МКЦ (клуб и ресторан), 10.05 од 20,00 часот – Македонска филхармонија (мала сала), „Културно информативниот центар“-Салон 19.19, 11 мај од 20,00 часот. На 12 мај од 19,00 во „Културно информативниот центар“- Салон 19.19 – Свечено затворање на фестивалот и доделување награди. За победниците се предвидени вредни награди.
Влезот на сите концерти е бесплатен.
Покрај концерти ќе се одржи и интернационален натпревар за класична гитара во сите ученички, средношколски и студентски категории, како и мастер часови. Оваа година членови на жирито и мастер часови ќе одржат прочуените гитаристи: Бојан Ивановски-Србија, Вилијам Џенкс –Америка, Никлас Јохансен – Данска, Бошко Радојковиќ – Србија, Столина Добрева –Бугарија, Дарко Багески – Република Северна Македонија, Ерхан Мујка- Косово, Борче Наумоски – Република Северна Македонија.