Гејтен-ЛГБТ, Центарот за промоција на правата на ЛГБТИ, и Лабрис, организацијата за лезбо-човечките права, најостро го осудија синоќешното однесување на еден од судиите во балканскиот X-Factor.
Во шоуто емитувано на 5 ноември, поп-пејачот Жељко Јоксимовиќ покажа недолично однесување кон натпреварувачите кои се идентификуваат како транс-личности. Во директна комуникација со Филип Јаневски-Фифи од Македонија, Јоксимовиќ најпрво покажа непочитување, потоа неверување и гадење, а на крај го дискредитираше по основ на полова припадност. Еден од коментарите на Јоксимовиќ беше „Ќе бидам против себе ако кажам дека тоа ми се допаѓа…а не ми се допаѓа…добро пееш“
„Како јавна личност, Жељко Јоксимовиќ има одговорност пред јавноста. Исто така, што е најважно, тој покажува основно непознавање на правата за полова припадност, и го крши Антидискриминирачкиот закон, судејќи по личното својство на изведувачот, а не на основните гласовни способности“, реагираат организациите.
Според нивните заклучоци, на тој начин, Јоксимовиќ придонесува кон тешката положба на транс-личностите во Србија, кои се изложени на секојдневно насилство на повеќе нивоа. До април 2013, забележани се 78 случаи на убиства на транс-припадниците во светот (според истражувањата на „Trans Murder Monitoring“, „Transfgender Europe“ објавен на Меѓународниот ден на борбата против хомофобијата и трансфобијата).