Published: Monday, May 20, 2019 10:39
Шведскиот обвинител кој ја води истрагата за обвинението за наводно силување против основачот на Викиликс, Џулијан Асанж, денеска поднесе барање за негово апсење, соопшти обвинителството.
Налогот за апсење, доколку биде издаден, ќе биде прв чекор во процесот кој би резултирал со екстрадиција на Асанж во Шведска од Велика Британија, каде отслужува казна од 50 недели затвор поради кршење на условната слобода.
Шведска повторно ја отвори истрагата за наводно силување, која првобитно беше покрената на 13 мај 2010 година.
Пред четири години Шведското обвинителство соопшти дека се откажало од истрагата против основачот на Викиликс за два случаи на сексуален напад, затоа што застареле.




