Британската премиерка Тереза Меј утре ќе поднесе оставка поради тоа што не е прифатена нејзината позиција за тоа како да се реализира напуштањето на Европската унија, објави весникот Тајмс, цитирајќи извори од владата.
Според весникот, таа може да поднесе оставка по состанок закажан за в петок со Греам Брејди, претседател на „Комитетот од 1922“, во кој се пратениците на Конзервативната партија и одлучува за прашањата за избор или смена на лидерот на партијата.
Според Би-би-си и Дејли телеграф, многу поддржувачи на премиерката одбија да ја поддржат, откако таа им вети на пратениците дека ќе можат да гласаат за одржување втор референдум за Брегзит, ако го поддржат договорот со ЕУ.
Според извори на Би-Би-Си во владата, тоа предизвикало вистински шок кај некои министри, и на состанокот на кабинетот за проблемот со Брегзит, таквата можност не била одобрена.
Би Би си радио јави дека по синоќешната оставка на британскaтa министерка задолжена за односи со Парламентот, Андреа Лидсом, тоа би можело да го сторат уште неколку други министри.
Лидсом, една од водечките поддржувачи на Брегзит синоќа поднесе оставка, наведувајќи дека не може да ја поддржува владата.
Оставката е поднесена по последниот неуспешен предлог на премиерката Тереза Меј за напуштање на Велика Британија на Европската унија.
– Повеќе не верувам дека нашата позиција ќе доведе до референдумски резултат (во Парламентот). Поради таа причина, со големо жалење и тешко срце, поднесувам оставка во владата, напиша Лидсом во писмената оставка испратена од Меј.




