Close Menu
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
What's Hot

Украинската амбасадорка Дир: Милиони животи се загрозени поради студот и темнината

October 30, 2026

34 години АРМ: Од „боси по трње“ до рамноправна и достојна членка на НАТО

August 16, 2026

Интервју со Павле Гацов: Малите економии имаат мал број алтернативи за справување со американскиот економски протекционизам

April 7, 2025
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
НОВА ТВНОВА ТВ

Управата за матични книги не ја почитува пресудата на Европскиот суд за човекови права

0
By Нова ТВ on July 17, 2019 ВЕСТИ
СПОДЕЛИ
Facebook Twitter LinkedIn Email
Published: Wednesday, July 17, 2019 20:26

Македонската јавност пребрзо се израдува на првата извојувана битка за трансродовите лица во нашата земја, откако Европскиот суд за човекови права на 17 јануари 2019 година донесе пресуда во случајот Х против Република Македонија.

Со пресудата утврди повреда на член 8 од Европската конвенција за човекови права кој го гарантира правото на приватен и семеен живот, поради недостиг на законска рамка која ќе овозможи признавање на родовиот идентитет на жалителот – трансродовото лице преку промена на ознаката за пол во матичната евиденција и на тој начин ќе обезбеди почитување на приватниот живот на жалителот.

Но на лицето Икс до денес се уште не му се дозволува да ја смени ознаката за пол во матичната евиденција.

– Во јануари 2019 година ЕСЧП донесе пресуда против Македонија со која утврди повреда на приватниот живот на трансродов маж на кој не му е дозволено правно признавање на родот, односно промена на ознаката за пол во матичната евиденција. Државата, очигледно сфати дека конкретниот случај е повреда на правото на жалителот, но и на трансрдовоите луѓе генерално, и одлучи да не се жали до Големиот Совет на Судот. Пресудата стана правосилна во април, а управата за водење на матичните книги се уште го нема решено случајот и лицето Икс се уште го нема остварено правото на правно признавање на родот. Во меѓувреме, сé уште е активна постапката пред домашните институции, на што ЕСЧП во пресудата има забелешки за должината и квалитетот на постапката, односно произволноста на одлуките со кои се повредува правото на лицето Икс.

Имено, Управниот Суд во април, непосредно пред да стане конечна одлуката на ЕСЧП, донесе одлука со која по трет пат ја прифати тужбата на лицето Икс, но предметот го врати на повторно одлучување на Управата за водење на матичните книги. Управниот суд ја игнорираше одлуката на ЕСЧП и постапи спротивно на домашните закони, па наместо да одлучи за предметот со мериторна одлука, предметот го врати на Управата, која пак во својата последна одлука се прогласи за ненадлежна да одлучува за предметот.

И по пресудата на ЕСЧП, во која се потенцираат меѓудругото и процедуралните пропусти на институциите, државата продолжува со повреда на правото на лицето Икс и не покажува свесност за сериозните последици што повредата на приватност ги има врз лицето. Поради ова, ќе го информираме и Комитетот на министри при Советот на Европа, надлежен за следење на извршувањето на пресудите, во следната сесија да го разгледа (не)спроведувањето на пресудата од страна на државата – вели адвокатката Наташа Бошкова.

Пресудата на ЕСЧП стана правосилна на 17 април 2019 година. Согласно пресудата ЕСЧП на жалителот му досуди и 9 илјади евра за нематеријална штета, што требаше да биде исплатен најдоцна до 17 јули 2019.

Бирото за застапување на РСМ пред ЕСЧП, за кого законски е резервирана комуникацијата со Комитетот на министри на Советот на Европа, доставило неколку препораки до  Управата за водење на матичните книги, Државната комисија за одлучување во управна постапка и постапка од работен однос од втор степен, Управниот и Вишиот управен суд, како надлежни за постапување по барањата за промена на податоците во матичната евиденција, за услогласување на нивното одлучување со барањата од пресудата на ЕСЧП.

Од Бирото за застапување на РСМ пред ЕСЧП велат дека пресудата на ЕСЧП задолжително ќе се најде пред Комитетот на министри на Советот на Европа, имајќи ги предвид неговите надлежности кои произлегуваат од членот 46 на ЕКЧП, согласно кој Комитетот на министри врши надзор над извршувањето на пресудите на ЕСЧП.

Ваквата надлежност Комитетот ја реализира во принцип во текот на 4 редовни состаноци (DH meetings) во текот на годината.

Суштината на оваа надлежност на Комитетот на министри е да обезбеди дека државите-членки на Советот на Европа ги извршуваат пресудите и определени одлуки донесени од страна на ЕСЧП. Комитетот надзорот над извршувањето на секој поединечен случај го завршува со донесување на финална резолуција. Финалните, како и времените резолуции и останати одлуки кои Комитетот на министри може да ги донесе во врска со надзорот над извршувањето на конкретен предмет јавно се објавуваат од страна на Комитетот на министри.

Неодговорност на службата за односи со јавност на Управата за водење на матичните книги

Вработената за односи со јавност во Управата за водење на матичните книги, откако ја контактиравме телефонски, не замоли прашањата да и ги испратиме преку електронска пошта, но не добивме одговор во следните денови. Кога повторно ја побаравме телефонски, таа рече дека не го добила мејлот и не обвини дека воопшто не сме го ни пратиле, на што ние инсистиравме да провери уште еднаш и понудивме прашањата да ги однесеме лично испечатени на хартија во Управата за водење на матичните книги. По нашата понуда прашањата да ги однесеме лично, службеничката за односи со јавност, веднаш го пронајде мејлот што го пративме денови пред тоа. На секој наш следен телефонски повик не ни креваше слушалка, а на прашањата никогаш не одговори.

Поради неколкунеделното одбегнување на службата за односи со јавност, прашањата ќе ги објавиме тука:

1. Зошто Управата одбива да му дозволи на трансродовото лице да ја промени ознаката за пол во матичната евиденција?

2. Со оглед на тоа дека овој случај стигнал до Европскиот суд за човекови права, дали мислите дека може да влијае во европските перспективи на земјава?

Share. Facebook Twitter LinkedIn Email
ТИКЕР

Почнува смената на власта во Србија: Конститутивна седница на Народното собрание

November 17, 2026

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026
shortcut
ФОКУС
September 30, 2026Updated:September 30, 2026

Мицкоски пред средбата со Фон дер Лајен: Подготвени сме за разговор и решение, обврските ги наследивме од претходната власт

ПОЛИТИКА September 30, 2026

Претседателката на Европската комисија Урсула фон дер Лајен в петок, 2 октомври, ќе престојува во…

Исланд гласа за или против обновување на преговорите за членство во Европска Унија

August 29, 2026

Техеран го повика Вашингтон да признае воен пораз

August 16, 2026

Букурешт: Дуња Иванова четврта на Балканот во МТБ маратон во Романија – 73 км. должина и 2.400 м. висинска разлика

August 15, 2026
ТИКЕР

Почнува смената на власта во Србија: Конститутивна седница на Народното собрание

November 17, 2026

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026
CIVICA
Facebook
  • Редакција
  • Маркетинг
  • Политика на приватност
© 2026 НОВА ТВ

Type above and press Enter to search. Press Esc to cancel.