Димковска на ФБ: Морав да одржам кус политички говор

На ма­ке­дон­ска­та пи­са­тел­ка Ли­ди­ја Дим­ков­ска, меѓу 12-те европ­ски ла­у­ре­а­ти, пред два дена во Брисел и беше врачена на­гра­да­та за ли­те­ра­ту­ра на Европ­ска­та Уни­ја, за неј­зи­ни­от ро­ман „Ре­зер­вен жи­вот“.

На својот Фесјбук профил таа денеска напиша:

– Морам да го споделам и ова со вас зашто не знам колку сме свесни за ваквите работи што се случуваат дури и во странство и по вакви поводи – не само што на доделувањето на наградата во Брисел не дојдоа македонскиот амбасадор и дописничката, што за мене како личност е од најмало значење, но во пошироки културни и политички рамки е од огромно, но и самите европски комесари (со исклучок на Дорис Пак која лично ми рече дека секогаш Македонија ја вика само Македонија) цело време додека бев таму го употребуваа ФИРОМ, па на главната проба за церемонијата со наградите една од госпоѓите од администрацијата кога требаше да ме повика мене извика едноставно ФИРОМ! И реков дека нема да излезам ако рече така и на доделувањето.

– На доделувањето ме најавија од Former Yougoslav Republic of Macedonia. Што можев да направам освен да одржам кус политички говор? Дали некој друг од останатите единаесет добитници на наградата имаше потреба од такво нешто? Не. Да беше таму дописничката ќе имаше за што да извести. Секогаш одново сум/сме ставени во ситуација да реагирам/е и да се вознемирувам/е наместо едноставно да си се радувам/е на самиот настан. А после Брисел морам да признаам дека сум се поголем песимист дека проблемот со името еднаш засекогаш ќе се реши, објави на ФБ писателката Дим­ков­ска.

На­гра­да­та за ли­те­ра­ту­ра на ЕУ е во­ста­но­ве­на во 2009 го­ди­на. Таа се до­де­лу­ва го­диш­но, на пи­са­те­ли од 12 зем­ји што се дел од Про­гра­ма­та за кул­ту­ра на ЕУ, по прин­цип на ро­та­ци­ја. Оваа го­ди­на на­гра­да­та ја до­би­ва­ат пи­са­те­ли од Бел­ги­ја, Бос­на и Хер­це­го­ви­на, Ки­пар, Дан­ска, Есто­ни­ја, Фин­ска, Гер­ма­ни­ја, Лу­ксем­бург, Ро­ма­ни­ја, Сло­ве­ни­ја, Шпа­ни­ја и од Ма­ке­до­ни­ја.

Ма­ке­до­ни­ја втор­пат ја до­би­ва на­гра­да­та за ли­те­ра­ту­ра од ЕУ. Пи­са­те­лот Го­це Сми­лев­ски за ро­ма­нот „Се­стра­та на Зиг­мунд Фројд“ во 2010 го­ди­на го до­би исто­то приз­на­ние.