Сенаторот од Пенсилванија, Мајкл Фолмер е уапсен поради обвинувања дека поседувал материјал со детска порнографија, соопштија од канцеларијата на државниот обвинител на американската сојузна држава.
Фолмер еден ден претходно поднесе оставка од сенаторската функција, откако беше објавено дека ќе биде обвинет за детска порнографија. Истражувачи пронашле две фотографии со детска порнографија во мобилниот телефон на Фолмер по добиена дојава од еден провајдер на социјални мрежи.
Сајтот „Тумблр“ во февруари испратил жалба до американскиот Национален центар за исчезнати и злоставувани деца во која навел дека еден корисник во декември во 2017 година снимил најмалку една фотографија со содржина за која се сомнева дека е детска порнографија. На тој начин е стигнато до профилот на Фолмер како и до неговата домашна адреса и електронска пошта.
Мајкл Фолмер изјави дека имал некои лични проблеми и оти детската порнографија му била испратена преку неговиот блог на „Тумблр“, напиша во судскиот регистар еден од службениците во канцеларијата на обвинителот на Пенсилванија.