– Од еден уметник a priori се очекува да биде критичар на се што се случува во политиката, во културната политика…јас сум изненадена што некои уметници во Македонија го немаат тој став, го немаат тоа држење а би требало да го имаат…а не да се подаваат по некои политички забелешки, партии – вели за НОВА, писателката Лидија Димковска.
Според неа, уметникот секогаш била на сопствена страна, на страна на уметноста а не на страната на одредена партија или партиски став, и Димковска вели, во Македонија има уметници кои не заслужуваат да го носат тој назив, но потенцираше дека има и уметници со едно големо „у“.
Димковска на ФБ: Морав да одржам кус политички говор
На македонскатата писателка Лидија Димковска, пред повеќе од една недела, во Брисел и беше врачена наградата за литература на Европската Унија, за нејзиниот роман „Резервен живот“.
Вели, протестирала најпрво за референцата ФИРОМ, и била навредена, но по краткиот политички говор, добила позитивни реакции.
Наградата за литература на ЕУ е востановена во 2009 година. Таа се доделува годишно, на писатели од 12 земји што се дел од Програмата за култура на ЕУ, по принцип на ротација. Оваа година наградата ја добиваат писатели од Белгија, Босна и Херцеговина, Кипар, Данска, Естонија, Финска, Германија, Луксембург, Романија, Словенија, Шпанија и од Македонија.