Фондот за пензинско и инвалидско осигурување ќе блокира над шест илјади сметки на фирми и физички лица. Причината е што не го исплатиле долгот кон институцијата направен до крајот на 2008-та година.
Предходно Фондот им даде можност – оние кое се обврзаа и платија до крајот на минатиот месец да им се отпише и каматата.
За мерката се пријавиле 1426 физички и правни лица, но ја исполниле навреме 766 на број, во најголемиот дел фирми, но и адвокати, земјоделци, попови и оџи.
Вкупно, подмириле обврски за пензиско и инвалидско осигурување во висина од 4,4 милиони евра, при што фондот им ги отпишал каматите за кои ќе требало вкупно да платат дополнителни 3,9 милиони евра.
Според директорот на ПИОМ Назири, ваквата акција е добра и за фирмите и за грѓаните, но и за самиот фонд.
– Со оваа акција не добиваат само обврзниците, туку и осигурениците, кои немаа платено придонеси. Со плаќањето некои се стекнуваат со право на пензија, а некои по новите пресметки ќе добијат и поголеми пензии. Можам да кажам дека е зголемена наплатата на неплатени придонеси, зголемени се изворните приходи на фондот, подобрена е неговата ликвидност, а намален е дефицитот, како и трансферите на средства од централниот Буџет во обем на зголемените приходи, изјави Назири.
Дека фондот е под притисок неодамна предупредија и ревизорите во последниот ревизорски извештај за ПИОМ. Касата на Фондот од година во година станува се попразна, а се пополнува е со пари од централниот Буџет, ова беше клучната забелешка на ревизорите