Published: Saturday, October 12, 2019 12:55
Претседателот на САД, Доналд Трамп соопшти дека вршителот на функцијата секретар за внатрешна безбедност, Кевин Мекалинен (48) поднел оставка и најави дека наредната недела ќе биде назначен нов вршител на должноста.
„Кевин, по многу години во владата, одлучи да минува повеќе време со своето семејство и да биде во приватниот сектор“, напиша Трамп на Твитер.
Мекалинен во април оваа година стана четврта личност што застана на чело на Министерството за внатрешна безбедност од почетокот на претседателството на Трамп.




