Прекинува работата на Договорот за асоцијација со Украина, соопшти Европската унија со образложение дека аргументите на Владата во Киев, „немаат реална основа“.
Еврокомесарот за проширување Штефан Филе напиша на својот Твитер профил дека на првиот заменик украински премиер Серхи Арбузов му кажал минатата недела дека услов за продолжување на разговорот за трговскиот договор со Украина е Киев да се обврзе дека ќе го потпише, но не добил одговор од украинската Влада.
Како резултат на тоа, работата на договорот е ставена „на чекање“, рече Филе.
Најмалку 200.000 луѓе се собраа денеска во Киев на демонстрации што ги организираше опозицијата поради одлуката на украинските власти да не го потпишат договорот за асоцијација со ЕУ, а нешто подоцна се очекува и почеток на митингот на приврзаниците на претседателот Виктор Јанукович.