Почина актерот Питер О’Тул на 81-годишна возраст во Лондон, по подолго боледување. O’Тул беше номиниран за наградата Оскар дури 8 пати. Тој починал во болница.
Фамилијата на О’Тул соопштила дека е обземана од тоа колку пораки добивал актерот за време на својот престој во болниците.
„Набргу ќе се одржи комеморација со музика и дружење, како што тој посакуваше“, изјави неговата ќерка Кејт О’Тул.
Актерот е роден на 2 август 1932 година и постои полемика околу тоа дали е роден во Ирска, или пак во Лидс, во северниот дел на Англија каде што израснал.
О’Тул својата кариера ја започнува како еден од најперспективните млади Британци, но на јавноста и станува познат во „Лоренс од Арабија“, филмот кој му ја донесе првата номинација за Оскар.
Според сценаристот Ноел Кауард, во тоа време „доколку Питер О’Tул бил малку поубав филмот ќе требало да се вика „Флоренс од Арабија“.
Питер О’Tул дури 8 пати беше номиниран за Оскар, поставувајќи рекорд за најмногу номинации, без да победи барем еднаш. Во 2003 година му беше врачен почесен Оскар од страна на Академијата.