Премиерот Зоран Заев денеска кажа дека проценетата штетат од минатонеделната прослава на навивачката група „Шверцери“ во МНТ е 3.965 евра.
Одговарајќи на пратеничко прашање, тој рече дека веќе е направен записник од работна група за утврдување на одоворноста, но не успеал да го види и само ги кажа штетите што се веќе утврдени.
-Откорнати тапацири на потпирачи на 5 столици во вкупна вредност од 125 евра, откорнати ногарки на столици од лежиште во вредност од 3.000 евра, откорнати парафети на галериите од 10 метри и од 2 метри, во вредност од 240 евра, искршени орнаменти во вредност од 200 евра, искршени 5 подни светилки и дупки на теписон од цигари. Вкупната штета е 39.65 евра, рече Заев.
Тој истакна дека кога ќе се утврди одговорноста, тогаш оваа материјална штета ќе се надомести, но Заев рече дека поголема е онаа духовната што е нанесена.
-Националниот театар е отворен за сите и сите треба да го користас, но се знае под какви услови. Од тоа треба да произлезе и одворноста што ќе биде објавено кога ќе се утврди, рече Заев.
Тој објасни дека во МНТ во петокот минатата недела се одржале два настани, при што за едниот настан на кој тој присуствувал, за едно со министри и други јавни личности, Владата со МНТ потпишала Договор за одбележување на Денот на албанската азбука.
-Вашиот денешен одговор значи дека членовите на вашата влада Османи и министерото за образование не се во право кога рекоа дека имало само гласно славење. Туку има и материјална штета, рече пратеничката Магдалена Манаскова која го постави прашањето.
Таа го побара на увид договорот што бил склучен за вториот настан, кога и настанала штетата. Рече дека ова е важно за да се види кој би ја надоместил штетата.
-Ако е Владата, имаме проблем. Ако е посебен договор, го барам на увид. Според таков договор со поединец за закуп на кој било објект, во договорот стои дека тој што го изнајмува ќе ја плати евентуалната штета. Доколку има само еден договор само со Владата, а нема друг, за два одвоени настани ќе имаме проблем, рече Манаскова.
Ахмети: Нема ништо спорно за прослави на навивачи во театар, во петокот немало намера за штета
Лидерот на Демократската унија за интеграција (ДУИ), Али Ахмети денеска при положување на цвеќе пред споменикот на Скендербег по повод Денот на албанското знаме рече дека нема ништо спорно што навивачката група „Шверцери“ прославувала јубилеј 30 години постоење во Македонскиот национален театар.
Што се однесува до материјалната штета на театарот, Ахмети рече дека тоа же го процени Министерството за култура, но дека немало намера за вандализам.
Навивачката група „Шверцери“ во петокот по Свечената Академија за одбележување на 111 години од Денот на албанската азбука одбележа 30 години од постоењето. Во нивна чест имаше проекција на документарен филм, но како што за НОВА изјави тогаш директорката на МНТ Симона Угриновска, однесувањето не минало без последици по инвентарот во објектот.