Close Menu
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
What's Hot

Емил Цветанов: Федерацијата работи во интерес на сите клубови и спортисти подеднакво

November 19, 2026

Украинската амбасадорка Дир: Милиони животи се загрозени поради студот и темнината

October 30, 2026

34 години АРМ: Од „боси по трње“ до рамноправна и достојна членка на НАТО

August 16, 2026
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
НОВА ТВНОВА ТВ

Вода со канабис за релаксација на граѓаните

0
By Менче Атанасова Точи on December 4, 2019 АНАЛИЗА, ПОЛИТИКА
СПОДЕЛИ
Facebook Twitter LinkedIn Email
Published: Wednesday, December 4, 2019 17:38

Релакс водата во чиј состав има канабис веќе се продава на рафтовите во еден ланец на маркети, а може да се набави и со еден клик на интернет 

Вода за пиење која во својот состав има канабис од неодамна може да се види на полиците во еден ланец  на маркети. Водата се продава во фрижидерите и рафтовите заедно со другата вода на дофат и на деца, но може да се купи и он-лајн преку интернет.

На самата амбалажа со крупни букви пишува дека овој енергетски производ  е за релакс и дека содржи канабис. Се заинтересиравме да видиме колкав процент на канабис во себе содржи оваа вода која е наменета за релаксација и во колкава количина во својот состав има ЦБД, но такво објаснување нема.

За да биде појасно,  за ЦБД се вели дека покрај при состојби на анксиозност, помага кај нервози, депресија, мускулни спазми, кај гадење и повраќање особено при хемотерапија кај болните од рак, ублажува  болка , а се применува и кај малигни заболувања, мултиплекс склероза, ХИВ и епилептични напади во детска возраст.

Во позадина на амбалажата со ситни букви покрај другите елементи од составот е наведено дека содржи „мултифрут екстракт од семе од коноп“.  Никаде не е назначено дали и во кој процент содржи ЦБД бидејќи само тоа е дозволено за употреба, кој го контролира составот и дали гарантираат дека во својот состав нема психоактивната супстанца ТХЦ, или траги од истата. Ова особено, што според експертите овие две супстанци при производството на екстракт тешко се одвојуваат една од друга.

Го купивме производот кој за разлика од другата вода е двојно поскап бидејќи станува збор за енергетски производ.  На каса продавачката се насмеа и кратко праша:

„ Ќе се релаксирате?“

Во продавницата ни потврдија дека производот донесен од скоро и луѓето се уште не знаат за него. За тоа дали ќе го купуваат деца, тие велат дека немаат никаква одговорност.

НОВА го побара директорот на компанијата која што ја произведува и продава водата, за да прашаме за суштинските дилеми наведени погоре, како и тоа од која фирма го купуваат екстрактот. Тој не одговори ниту на телефонскиот повик, ниту на СМС пораката.

НОВА се обрати и до Агенцијата за храна и ветеринарство (АХВ) како институција која ги издава дозволите за производство и промет и врши контроли. Ги прашавме дали и кога имаат издадено одобрение за производство и промет на оваа вода, како “енергетски пијалак” кој во себе содржи канабис? Дали пуштањето во производство и промет на овој производ е во согласност со законските норми и со кој Закон е предвидено тоа. Иако беше нагласено и замолено одговорот да го пратат до 16 часот, до објавување на текстот одговор од АХВ не добивме.

Инаку, добро упатени извори во оваа проблематика велат дека Законот за храна и ветеринарство дозволува пуштање во промет на ваков тип на производи( вода, колачиња), но дека тоа мора да биде строго контролирано(се мисли на составот), како и тоа да се внимава што стои на амбалажата за да не се доведат во заблуда граѓаните. Во составот никако не смее да има траги од психоактивната супстанца ТХЦ која може да се употребува само во маслото за медицински цели и тоа со рецепт од лекар специјалист и само за одредени болести.

Нашите извори велат дека екстрактот го прават фирмите кои што се занимаваат со производство на канабис, а сега почнале да го продаваат за релаксација на граѓаните.

Наскоро, информираат нашите извори, во фаза е и пуштање во промет на кафе кое во себе ќе содржи канабис.

Во државата има 37 фирми за одгледување и производство на канабис за медициснки цели, а уште 20 чекаат дозволи за работа. Тие постојано реагираат да се донесе Законот за психоактивни супстанци бидејќи не можат да го извезуваат цветот од марихуаната. Во меѓувреме додека марихуаната им стои складирана и чека на извоз, очигледно некои од нив наоѓаат начин како да си отворат пат за продажба на друг вид екстракт во домашните компании.

Share. Facebook Twitter LinkedIn Email
ТИКЕР

Почнува смената на власта во Србија: Конститутивна седница на Народното собрание

November 17, 2026

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026
shortcut
ФОКУС
September 30, 2026Updated:September 30, 2026

Мицкоски пред средбата со Фон дер Лајен: Подготвени сме за разговор и решение, обврските ги наследивме од претходната власт

ПОЛИТИКА September 30, 2026

Претседателката на Европската комисија Урсула фон дер Лајен в петок, 2 октомври, ќе престојува во…

Исланд гласа за или против обновување на преговорите за членство во Европска Унија

August 29, 2026

Техеран го повика Вашингтон да признае воен пораз

August 16, 2026

Букурешт: Дуња Иванова четврта на Балканот во МТБ маратон во Романија – 73 км. должина и 2.400 м. висинска разлика

August 15, 2026
ТИКЕР

Почнува смената на власта во Србија: Конститутивна седница на Народното собрание

November 17, 2026

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026
CIVICA
Facebook
  • Редакција
  • Маркетинг
  • Политика на приватност
© 2026 НОВА ТВ

Type above and press Enter to search. Press Esc to cancel.