Published: Thursday, December 19, 2019 17:40
Познатата актерка Силвија Стојановска попладнево е уапсена и однесена во Кривичниот суд каде ќе биде изведена пред судија на претходна постапка. Судски извори за НОВА, потврдија дека актерката е уапсена во Скопје заедно со нејзиниот партнер, а неговиот брат бил упасен во Шпанија за шверц на 700 кг. кокаин.
Актерката, според нашите извори, наводно помагала со логистика и подигнување на парите.
Обвинителството побарало мерка притвор за актерката, но од ОЈО се изјаснија дека немаат никакви достапни информации и најавија дека можеби подоцна ќе излезат со официјално соопштение.
Стојановска е македонска актерка позната по многу улоги, а последните години е актуелна со нејзината улога во македонската серија „Фамилијата Марковски“.