Германскиот автомобилист Михаил Шумахер (44) по вчерашниот пад од скиите во француското место Мирабело се бори за живот во болница во Гренобел. Седумкратниот првак на Формула 1 со синот скијале надвор од стазата и под се уште неразјаснети околности Шумахер паднал и со главата удрил во камен.
Спасувачите пристигнале за осум минути, според првичните информации тогаш бил при свест, но во Гренобле бил донесен во кома.
Според службеното соопштение му бил потребен итен неврохируршки зафат. Француските медиуми јавуваат дека имал крварење во мозокот, поради што во Гренобел пристигнал еден од најдобрите француски неврохирурзи Жерард Саилан, инаку пријател на Шумахер.
„Повредата на главата е многу тешка. Неможеме да бидеме сигурни за неговата иднина. Опериран е еднаш во текот на ноќта, од мозокот му е отстранета згрутчена крв“, потврди професорот Жан-Франсоа Пајен кој го оперирал Шумахер.
Инаку Шумахер во Мирабело бил со семејството на одмор во својата викендичка. Неговата сопруга и децата се цело време покрај него.