По опсежни разговори со вработените во финансискиот сектор на Државниот архив е утврдено дека лицето кое е одговорно за јавни набавки направило, наводно, ненамерна грешка со додавање три нули на сумата за кетеринг што е предвидена за цела 2020 година.
„Со тоа сумата од 300.000 денари што е предвидена за кетеринг услуги на изложби, на промоции и за гости од странство, кои и не мора да бидат потрошени, станале 300.000.000 милиони денари. Тој и самиот го призна тоа и против него веднаш е поведена дисциплинска постапка за несовесно работење“, изјави директорот на Државниот архив, Емил Крстески.
Вкупниот буџет на Државниот архив е околу 2,5 милиони евра, така што е нелогично за само буџетот за кетеринг да биде шест милиони евра.