Согласно одлуката на Регулаторната комисија за енергетика, малопродажните цени на Еуросупер БС-95, Еуросупер БС-98 и Екстра лесното масло за домаќинство (ЕЛ-1) се намалуваат за еден денар. Така Еуросупер БС-95 ќе се продава за 77,50 денари за литар, а цената на Еуросупер БС-98 ќе изнесува 79 денари за литар. Малопродажната цена на Екстра лесното масло за домаќинство (ЕЛ-1) ќе изнесува 57,50 денари за литар.
И цената на Еуродизел (Д-Е V) се намалува за 1,50 денари за литар, па дизелот ќе се точи за 68,50 денари за литар. Малопродажната цена на мазутот М-1 НС се намалува за 0,824 денари за килограм, и изнесува 39,384 денари за килограм.