Уште 570 лица заразени со коронавирус починаа во Италија во последните 24 часа, но притисокот врз италијанските болници продолжи да опаѓа, според најновите податоци на Агенцијата за цивилна заштита. Премиерот на земјата, Џузепе Конте рече дека мерките воведени во Италија продолжуваат до 3 мај, со одредено олеснување.
„Продолжуваме со мерки за ограничување до 3 мај, тоа е тешка одлука, но неопходна, за што преземам целосна политичка одговорност“, рече тој.
Сепак, ќе се воведе некое олеснување, како што се отворање книжарници, продавници за додатоци и облека за деца, тоа е прецизирано.
Конте ги повика сите граѓани да ги почитуваат мерките и да бидат многу внимателни за време на Велигден, бидејќи лудо би било да се уништат сите заложби направени досега. „Ако се откажеме сега, ризикуваме се да почне од почеток“, предупреди тој.
Тој рече дека Владата се надева дека по 3 мај ќе може постепено да започне со олеснување на мерките, но дека тоа пред се ќе зависи од напорите на сите.
Бројот на нови пациенти во последните 24 часа е 1.396, јавува Анса.
Просечниот број на смртни случаи е 80 години, претежно страдаат мажите кои имаат и други заболувања, соопштија здравствените власти.
Бројот на починати од коронавирус во Италија денес се зголеми на 18.849, што е сè уште највисоко во една земја. На второ место е САД со повеќе од 17.800 мртви, а на третото место Шпанија со повеќе од 15.900.
Сепак, притисокот врз италијанските болници продолжи да се намалува бидејќи денес има 108 лица помалку во одделите за интензивна во однос на вчера, а бројот на сместени пациенти во болниците во претходните 24 часа е 157 лица помал од претходниот ден.
Најлошо погодениот италијански регион се уште е Ломбардија, каде досега починале над 10,000 луѓе.
Италијанските власти ги засилија контролите низ целата земја во насока на почитување на забраната за движење и за таа цел за велигденските празници користат и хеликоптери и беспилотни летала.




