Од 1–ви јануари сите пациенти кои имаат потреба од лекување во странство наместо 20% партиципација ќе плаќаат само 200 евра.
Измените во Законот за здравствено осигурување отворија нова надеж кај пациентите, но и многу контрoверзи во стручната јавност. 
Грповски: Ваквата одлука е донесена бидејќи годинава во здравената каса има 80 милиони денари повеќе за оваа намена од минатата година. За лекување во странство годинава се предвидени 230 милиони денари за разлика од лани кога имаше обезбедено само 150 милиони денари.
Не очекуваме опасност буџетот да крахира, но отчекуваме притисок од пациентите да се зголеми. Предвидени се серија механизми за заштита од манипулација. Ќе се зајакни контролата при давање на позитивен наод и мислење од страна на првостепената и второстепената комисија во Фондот.
Ќе се формира работна група која треба да изработи резиме за работата на комисиите и нивните одлуки, Стручен тим од лекари на клиниките мора да дадат посебен осврт на историјата на болеста на пациенот и мислење кое може да влијае на успехот на лекувањето во странство. Нема да има простор за дискриминација на пациентите вели Грповски.
Пановски: Ваквата одлука на владата не е донесена со издржана анализа, а може да предизвика крах на здравствената каса бидејќи драстично ќе се зголеми бројот на барањата од пациенти кои имаат потреба да се лекуваат во странство бидејќи неможеле да си ја платат партиципацијата.
Се отвара можност од манипулации, некои моќници може да ја искористат оваа можност за сметка на другите пациенти. Во деведесетите години кога не беше развиена кардиологијата, само пет луѓе годишно имаа шанса да им биде вграден стент во странство, а 5000 беа осудени да умрат.
Малку е нелогично сето ова бидејќи за 200 евра нема да ве лекуваат во ниту една приватна болница во државата, а да не зборуваме за странство. Ова е популистичка мерка на Владата, а дали ќе се покаже како издржана и реална ќе покаже времето.