Дексаметазонот е сериозен лек и да не се користи на своја рака, порача министерот за здравство Венко Филипче, откако излегоа некои студии и информации во јавноста дека помага во лекувањето со Ковид-19.
„Дексаметазонот има несакани ефекти, го намалува имунитетот и не е лек што с езема на своја рака. Граѓаните не треба да го купуваат зашто може да даде сериозни несакани реакции“, порача министерот Филипче.
Директорката на Инфективна клиника Милена Стевановиќ посочи дека овој лек е дел од палетата медикаменти што се користат како комбинација во третманот на лица заболени со Ковид-19. Притоа додаде дека забележливи се и бенефити кај пациентите кои го добивале лекот.
„Претпладнево разговаравме за примена на кортикостероидите. Како инфектолози го користиме и најдовме сериозна корист на декстаметазонот во комбинација со други лекови. Внимателно ги следиме и светските трендови и препораки што ги добиваме, меѓутоа се потпираме и на сопственото искуство. “ изјави Стевановиќ.