Американската компанија „Епл“ одлучи да затвори 11 свои продавници во четири сојузни држави во САД – во Аризона, во Флорида, во Северна Каролина и во Јужна Каролина по само неколку недели од укинување на рестриктивните мерки и отворање на трговијата.
Одлуката на „Епл“ доаѓа во ек на информациите за ново распламтување на Ковид-19 во поедини сојузн и држави, особено во оние во кои се ублажени вонредните мерки во насока на поттикнување на економијата.
Во наведените сојузни држави во САД е евидентиран зголемен број на новозаболени со коронавирусот, посебно на Флорида каде стапката е случаи бележи нагорен тренд од 144,4 отсто и во Аризона каде е регистриран пораст од 143,1 отсто.
„Ги затворивме нашите продавници во желба да постапиме внимателно, меѓутоа се надеваме дека наскоро ќе може повторно да ги отвориме вратите“, се наведува во сооопштението на компанијата.
„Епл“ затвори шест продавници во Аризона, по две во Северна Каролина и на Флорида и една во Јужна Каролина.